एक र दुई रुपैयाँको नोट छाप्न अनुमति, रसुवागढीबाट पनि नेपाली आउन पाउने

प्रकाशित: 2077-5-30 गते

काठमाडौं : सरकारले राष्ट्र बैंकलाई एक र दुई रुपैयाँको नोट छाप्न अनुमति दिएको छ। सोमबार बसेको मन्त्रिपरिषद् बैठकको निर्णय सुनाउँदै सरकारका प्रवक्ता तथा परराष्ट्रमन्त्री प्रदीप ज्ञवालीले उक्त नोटमा नेपालको नक्सा राख्नुपर्ने बताए।

सरकारले चैत्र ११ गतेदेखि नै भदौ ३१ गतेसम्म अन्तराष्ट्रिय सीमा बन्द गरेको थियो। कोरोना भाइरस (कोभिड १९)को जोखिम कायमै रहेकाले असोज ३० गतेसम्म सिमा नाका बन्द गर्ने निर्णय गरेको छ। तर समस्यामा परेका नेपालीलाई निश्चित बिन्दुबाट प्रवेश गर्न सरकारले विशेष आदेश जारी गरेको छ। भारतसँग सीमा जोडिएका १० प्रमुख नाकाबाट प्रवेश दिइरहेकोमा थप दुई नाकाबाट नेपालीहरु आउन पाउने भएका छन्। इलामको पशुपतिनगर र दार्चुलाको खलंगा पुलघाट नाकाबाट नेपाली आउन पाउने निर्णय गरिएको मन्त्री ज्ञवालीले बताए। चीनको रसुवागढीबाट पनि नेपाली आउन पाउने सरकारले निर्णय गरेको छ। विकास आयोजनामा आवश्यक पर्ने विदेशी जनशक्ति ल्याउन अनुमति खुला गरिएको छ। ७२ घण्टाको पिसीआर रिपोर्ट ल्याउनुपर्ने र आयोजनाले व्यवस्था गरेको आवासमा बस्नुपर्ने छ।

आउँदो असोज १ गतेदेखि लामो दुरीका सवारी साधन र आन्तरिक उडान सुरु हुने भएका छन्। ज्ञवालीले स्वास्थ्य मापदण्ड अपनाएर असोज १ गतेदेखि नै लामो दुरीका सवारी साधन र आन्तरिक उडान गर्ने निर्णय गरिएको बताए। प्रवक्ता ज्ञवालीले ५० प्रतिशत बढी भाडा लिनेगरी लामो दूरीका सवारी साधन असोज १ गतेदेखि सञ्चालन गर्ने निर्णय गरेको जानकारी दिए।

लामो दूरीका सवारी साधनले स्वास्थ्य मापदण्ड पूरा गरी ५० प्रतिशत मात्र यात्रु बोक्न पाउने छन्। यात्रुले अनिवार्य मास्क लगाउनुपर्नेछ। गाडीभित्र र ढोकामा स्यानिटाइजर अनिवार्य रुपमा राख्नुपर्ने निर्णय गरिएको छ। सवारी साधन सञ्चालन सम्बन्धी थप मापदण्ड भौतिक पूर्वाधार तथा यातायात मन्त्रालयले बनाउने छ। त्यसको अनुगमन यातायात विभाग र ट्राफिक प्रहरीले गर्ने छन्। सवारी साधन दैनिक डिस्इन्फेक्सन गर्नुपर्ने छ। उडान र यातायातका लागि स्वास्थ्य तथा जनसंख्या मन्त्रालयले थप मापदण्ड बनाउन सक्ने छन्। यात्रुले मापदण्ड अनिवार्य कार्यान्वयन गर्नुपर्ने छ।

विमानले भौतिक दुरी कायम गरी ५० प्रतिशत मात्रै यात्रु राख्न पाउने छन्। विमानमम नियमित डिस्फेक्सन गर्नुपर्ने छ। भाडादर पर्यटन मन्त्रालयले टोक्ने प्रवक्ता ज्ञवालीले बताए। पर्यटन र स्वास्थ्य मन्त्रालयले मापदण्ड तोक्ने र कार्यान्वयन भए नभएको नियमन नागरिक उड्यान प्राधिकरणले गर्ने भएको छ। त्यस्तै अन्तराष्ट्रिय उडानको हकमा आवश्यकता अनुसार पर्यटन मन्त्रालयले नियमित तथा चार्टर्ड उडान अनुमति दिन सक्ने छ। यात्रुले ७२ घण्टाको पिसिआर अनिवार्य ल्याउनुपर्ने छ। 

सरकारले हिमाल आरोहण र पदयात्रा कार्तिक १ गतेदेखि यात्रा अनुमति  दिने निर्णय गरेको छ। त्यसका लागि सम्बन्धीत कुटनीतिक नियोगले भिषा दिने व्यवस्था मिलाइएको छ।

असोज १ गतेदेखि नै होटल, रेष्टुराँ, ट्राझल पनि सञ्चालनमा आउने छन्। निवर्तमान अर्थमन्त्री डा. युवराज खतिवडा सरकारको विशेष आर्थिक सल्लाहकार नियुक्त भएका छन्। मन्त्रीस्तरीय सेवा सुविधा पाउने गरी खतिवडालाई आर्थिक सल्लाहकार नियुक्त गरिएको प्रवक्ता ज्ञवालीले बताए। राष्ट्रियसभा सदस्य हुँदै अर्थमन्त्री बनेका खतिवडाले कार्यकाल सकिएपछि भदौ १९ गते राजीनामा दिएका थिए।

सरकारले एसियाली विकास बैंकसँग सहुलियत ऋण लिने निर्णय गरेको छ। सरकारले सार्क राष्ट्र मुलुकका प्रतिनिधिसँग बैठक गर्न परराष्ट्र मन्त्रालयका ३ सदस्यीय प्रतिनिधि टोली गठन गरेको छ। कफी विकास केन्द्र बिस्तार गर्न मुसीकोट नगरपालिमा ५० रोपनी जग्गा प्राप्त गर्न स्वीकृति दिएको छ। अन्नपूर्णपोष्ट दैनिकमा तुलसी सुवेदीले लेखेका छन् ।

मलमासमा पहिले महिला घर छाड्थे अहिले पुरुष छाड्दै!

स्याङ्जा सदरमुकाम निवासी रोशन लामिछाने असोज १ गते ससुराली पुगे। मलमास छल्न र ससुराली भेटघाटका लागि गएको उनले बताए। सधैंजसो काममा व्यस्त हुने लामिछान ...

कति तल्ला ठडियो धरहरा, कति छ बाँकी?

१२ वैशाख ०७२ को भूकम्पले भत्काएको ऐतिहासिक धरहरा पुनर्निर्माणको काम दुई वर्षमा ४१ प्रतिशत मात्र सम्पन्न भएको छ । सम्झौताअनुुसार दुई वर्षमा पुनर्निर् ...

आन्तरिक उडानमा ५० प्रतिशतमात्रै यात्रु राख्‍नुपर्ने नियम हट्यो

काठमाडौँ : आन्तरिक उडानमा सिट क्षमताको ५० प्रतिशतमात्रै यात्रु राख्नुपर्ने नियम बनाउने संस्कृति, पर्यटन तथा नागरिक उड्डयन मन्त्रालय तीन दिनमै पछि हट ...