परराष्ट्रमन्त्री ज्ञवाली बिहिबार भारत जाँदै

प्रकाशित: 2077-9-28 गते

काठमाडौ : परराष्ट्रमन्त्री प्रदीपकुमार ज्ञवाली माघ १ गते भारत भ्रमणमा जाने भएका छन् । भ्रमण (कोभिड-१९) को सहकार्य र नेपाल-भारत सीमाको विषयमा केन्द्रीत हुने परराष्ट्र मन्त्रालयले जनाएको छ ।

आज जारी गरेको मन्त्रालयको विज्ञप्तिमा मन्त्री ज्ञवालीले नेपाल-भारत संयुक्त आयोगको बैठकमा भाग लिन बिहीबारदेखि शनिबारसम्म भारतको भ्रमण गर्ने उल्लेख छ । प्रतिनिधिसभाको विघटनपछि भइरहेको घटनाक्रमका माझ परराष्ट्रमन्त्रीको भारत भ्रमणलाई अर्थपूर्ण रूपमा हेरिएको छ ।

कतिपयले आगामी वैशाखमा चुनाव गराउने घोषणा गरेको सरकार काम चलाउ भइसकेको भन्दै यसले महत्वपूर्ण सवालहरूमा निर्णय गर्न नसक्ने बताइरहेका छन् । तर नयाँ दिल्लीमा रहँदा परराष्ट्रमन्त्रीले आफ्ना समकक्षीसँगै संयुक्त आयोगको बैठकमा भाग लिने बाहेक उच्चस्तरीय भेटवार्ता गर्ने पनि विज्ञप्तिमा उल्लेख छ ।

नेपाल भारत संयुक्त आयोगको छैठौँ बैठकका क्रममा नेपाल-भारत सम्बन्धका कतिपय विषयहरूमाथि छलफल हुने परराष्ट्र मन्त्रालयले जनाएको छ ।

त्यसमा व्यापार, पारवहन, उर्जा, सीमा, (कोभिड-१९) सहकार्य, पूर्वाधार र सम्पर्क सञ्जाल, लगानी, कृषि, पर्यटन, संस्कृति सहितका विषय पर्ने उल्लेख गरिएको छ । यसअघि सार्वजनिक रूपमा प्रधानमन्त्री केपी शर्मा ओलीले परराष्ट्रमन्त्री ज्ञवालीको भ्रमणका क्रममा “नेपालले भारतले अतिक्रमण गरेको भूमी भन्दै आएको लिपुलेक, कालापानी र लिम्पियाधुरा क्षेत्र फिर्ता गराउने विषयमा कुराकानी हुने” बताएका थिए ।

नेपालको प्रतिनिधिमण्डलमा भारतका लागि नेपाली राजदूत, परराष्ट्र मन्त्रालयका सचिव, स्वास्थ्य मन्त्रालयका सचिव सहित अरू वरिष्ठ अधिकारी सहभागी हुने मन्त्रालयले जनाएको छ । अघिल्लो वर्ष काश्मीरको विशेष हैसियत समाप्त पार्ने क्रममा भारतले कालापानी क्षेत्रसहितको भू-भाग समेटेर नक्सा जारी गरेपछि नेपालले विरोध जनाएको थियो ।

त्यसपछि दुवै देशबीच कूटनीतिक स्तरमा चिसोपन देखा परेको थियो । ज्ञवालीको भ्रमण सीमा विवादपछि नेपालको तर्फबाट हुने सबैभन्दा पहिलो उच्चस्तरको भ्रमण हो ।

वन मन्त्रालयमा भत्ताकै लागि एक दिनमै एक-एक घन्टाको फरकमा चारपटक बैठक

वन मन्त्रालयका कर्मचारीले सरकारी ढुकुटीको चरम दुरुपयोग गरेका छन् । भत्ता खानका लागि एकै दिन एक–एक घन्टाको फरकमा चारपटकसम्म बैठक बसेको माइन्युट गरि ...

ई-चुरोटको लतमा युवा, विज्ञ भन्छन्- यो झन् हानिकारक छ

युवा वर्गमा ई–चुरोट (विद्युतीय चुरोट) को प्रयोगले स्वास्थ्यमा नकारात्मक असर गर्ने गरेको पाइएको छ । विद्युतीय चुरोट तान्नुलाई कतिपयले भेप वा भेपिङसम ...

नेपालमा कोरोनाबाट मृत्यु हुनेको संख्या दुई दिनमै ७०१ थप, अझै बढ्न सक्ने

कोरोना भाइरस सङ्क्रमणबाट मृत्यु हुनेको सङ्ख्या पुनः थप भएको छ । स्वास्थ्य तथा जनसङ्ख्या मन्त्रालय, इपिडिमियोलोजी तथा रोग नियन्त्रण महाशाखाका अनुसार ...