मलमासमा पहिले महिला घर छाड्थे अहिले पुरुष छाड्दै!
स्याङ्जा सदरमुकाम निवासी रोशन लामिछाने असोज १ गते ससुराली पुगे। मलमास छल्न र ससुराली भेटघाटका लागि गएको उनले बताए। सधैंजसो काममा व्यस्त हुने लामिछानेले मलमास छल्ने बहानामा ससुराली भेटघाट गर्ने अवसर बनाए। उनले ३ दिन ससुराली बसेर मलमास छल्ने बताए। यसैगरी, निजामति सेवाका कर्मचारी गोबिन्द सुवेदी पनि एक साताका लागि घर नआउने भएका छन्। उनले पनि मलमास छल्नका लागि आफू कार्यरत कार्यालय नजिकै डेरा बसाउने भएका छन्। शुक्रबार बिहानै झिसमिसेमै घरबाट निस्केका उनी एकसाता मलमास छलेर मात्र फर्किने जनाए। यी त केही उदाहरण मात्र हुन्। उनीहरुजस्ता धेरै पुरुषहरुले असोज २ गतेदेखि सुरु भएको मलमास छल्नका लागि घर वा डेराबाटै बाहिरिएका छन्। मलमासमा विवाह गरेमा गृह सुख हुँदैन, गर्भाधान गरेम ...
